iPhone 14 Plus ရောင်းအားကျဆင်းမှုကြောင့်
iPhone 15 Line Design ကို ပြန်လည်အကဲဖြတ်နေတဲ့ Apple

Apple ဟာ iPhone 14 Plus ရောင်းအားကျဆင်းပြီး Sale Target
မပြည့်မီတာကြောင့် အလွန်စိုးရိမ်နေရကြောင်း သတင်းများထွက်ပေါ်
နေတာ တွေ့ရပါတယ်။ ဒါကြောင့် ကုမ္ပဏီဘက်က လာမယ့်နှစ်အတွက်
iPhone အမျိုးအစား ဗျူဟာအသစ်ကို စဉ်းစားနေပါတယ်။

iPhone 14 Plus ဟာ ၅.၄ လက်မ၊ iPhone Mini ကို အစားထိုးပြီး
iPhone 14 ဒီဇိုင်း၊ ကင်မရာနဲ့ စွမ်းဆောင်ရည် တူညီသလို ပိုကြီးတဲ့
မျက်နှာပြင်၊ Battery တို့ ပါရှိပါတယ်။

ယခင်က သတင်းအမှားရော အမှန်ရော ဝေမျှလျက်ရှိတဲ့ Naver က
Yeux1122 ရဲ့ ပိုစ့်အရ Apple ဟာ iPhone 15 Series မှာ ထုတ်ကုန်အသစ်
Lineup ကို ဘယ်လို ချိန်ညှိရမလဲဆိုတာ စဉ်းစားနေတယ်လို့ ဆိုပါတယ်။

ထည့်သွင်းစဉ်းစားနေဆဲဖြစ်တဲ့ Apple ရဲ့ အစီရင်ခံ ဖြစ်နိုင်ခြေ နည်းဗျူဟာ
(၂) ခုက Pro နဲ့ Pro မဟုတ်တဲ့ iPhone ကြား ခြားနားချက်ကို ပိုမိုရှင်းလင်းစေဖို့
ဖြစ်ပါတယ်။ Apple ရဲ့ Analyst ဖြစ်သူ Ming-Chi Kuo က အရင်ကတည်းက
သတင်းတွေထွက်ပေါ်နေခဲ့တာဖြစ်ပြီး ဒုတိယအနေနဲ့ $899 မှစတင်တဲ့ Plus
မော်ဒယ်တွေကို စျေးနှုန်းလျော့ချဖို့ စဉ်းစားနေတယ်လို့ ဆိုပါတယ်။

iPhone 15 Series အတွက် တစ်နှစ်အချိန်ရသေးသော်လည်း Apple က
ဘယ်လို ဗျူဟာတွေချမှတ်မလဲဆိုတာသိဖို့ စောလွန်းပါသေးတယ်။ ဒါပေမယ့်
Apple က သူ့ရဲ့ထုတ်ကုန်အားလုံးကို အတူတကွပေါင်းစပ်လိုကြောင်း ဖော်ပြ
ထားတာမို့ Dynamic Island ဟာ လာမယ့် iPhone 15 Series အားလုံးမှာ
ပါဝင်လာမယ်လို့ မျှော်လင့်ရပါတယ်။

Source : macrumors

#apple
#iPhone #iPhone14Plus #iPhone15Series
#iPhone15 #AppleiPhone